Në institucionin parashkollor “Gëzimi Ynë”, u mbajt ligjëratë për kujdesin oral

Mitrovica

Në institucionin parashkollor “Gëzimi Ynë”, u mbajt ligjëratë për kujdesin oral

Më: 18 qershor 2021 Në ora: 14:31
Pamje nga vendi i ngjarjes

Nën organizimin e Drejtorisë për Shëndetësi, në institucionin parashkollor “Gëzimi Ynë”, sot është mbajt një ligjëratë vetëdijesuese për rendësinë e kujdesit oral tek fëmijët.

Në këtë aktivitet të pranishëm ishin drejtoresha e Shëndetësisë, Erseka Hasanaj Barani, drejtori i Arsimit, Skender Avdiu, si dhe ekipa e Stomatologjisë nga Qendra Kryesore e Mjekësisë Familjare.

Me këtë rast, drejtoresha e DSH-së, Erseka Hasanaj Barani, ka thënë se ky aktivitet është organizuar në mënyrë që nga moshat e hershme fëmijët të vetëdijesohen për mbajtjen e higjienës orale sepse kujdesi për dhëmbët duhet të filloj qysh në hapat e parë të jetës dhe fëmijët duhet të mësohen me vizitat dentare.

Edhe drejtori i Arsimit, Skender Avdiu, ka potencuar se krahas ofrimit të kushteve më të mira për shkollim dhe edukim, e rëndësishme mbetet shëndeti i fëmijëve, të cilët janë edhe e ardhmja e vendit.

Ndërsa ekipa e Stomatologjisë, para fëmijëve demonstruan metoda si duhet përdoruar furçën për pastrim të dhëmbëve duke potencuar se pastrimi i rregullt parandalon infeksionet e orale, ndërkaq një higjienë e rregullt e gojës si dhe përdorimi i ushqimit të shëndetshëm, shërbejnë për një buzëqeshje te bukur dhe të shëndetshme gjatë gjithë jetës.

Në fund të këtij aktiviteti fëmijëve iu është ndarë edhe nga një dhuratë modeste.

Shfaq komentet
comments powered by Disqus
Sot mund të lexoni Shfletoni kopertinat