Këtë të enjte janë ekzekutuar mjetet financiare për familjet e prekura nga vërshimet në Mitrovicë.
Komuna e Mitrovicës ka ndarë nga 2 mijë e 500 euro për 186 familjet e prekura nga vërshimet.
Lajmin e ka bërë të ditur Drejtoresha e Drejtorisë për Financa dhe Zhvillim Ekonomik, Igballe Islami.
“Bazuar në propozimin e kryetarit Bedri Hamza dhe vendimin e asamblesë komunale për ndarjen e 2 mijë e 500 eurove për ekonomitë familjare që kanë pësuar dëme si pasojë e vërshimeve të janarit në Komunën e Mitrovicës, pas pranimit të listës nga komisioni sot është bërë ekzekutimi i mjeteve financiare në llogaritë bankare të përfituesve”, ka shkruar ajo në Facebook.
Tutje, drejtoresha ka bërë të ditur se buxheti komunal i ndarë për këto familje është në vlerë totale 465 mijë euro.
“Si qeverisje komunale zotohemi që do të vazhdojmë të përkujdesemi për mirëqenien e të gjithë qytetarëve të komunës tonë”, ka përfunduar Islami.
