Në korrik, Honor e prezantoi serinë e telefonave Honor 9X, ndërsa linja përbëhej nga modelet me 4 GB RAM dhe 64 GB hapësirë për ruajtje, variantet 6 GB + 64 GB, si dhe modeli 6GB + 128GB. Prodhuesi kinez tani e ka konfirmuar një variant të ri të telefonave, i cili i ka 8 GB RAM dhe 128 GB hapësirë për ruajtje, dhe do të dalë në shitje nga 1 tetori.
Modeli Honor 9X me 8 GB RAM dhe 128 GB hapësirë për ruajtje do të jetë në dispozicion vetëm në ngjyrë të zezë. Përveç këtij modeli, nga 1 tetori në shitje do të dalë edhe varianti Honor 9X Holographic Icelandic White edition.
Telefoni e ka një ekran prej 6,59 inçësh IPS LCD me rezolucion Full HD+, dhe punon falë çipsetit Kirin 810. Në pjesën e pasme të pajisjes ndodhen kamerat 48MP + 2MP, ndërsa në pjesën e përparme është sensori pop-up 16MP. Në pjesën anësore të pajisjes ndodhet sensori për gjurmë të gishtave, ndërsa të gjitha furnizohen nga një bateri prej 4000mAh me mundësi të mbushjes prej 10W.