Një qen që ka dhuruar gjakun e tij të rrallë për të ndihmuar në shpëtimin e 88 qenve të tjerë, ka dalë në pension pas gjashtë vjetësh.
Woodie së pari dha gjak kur ishte 3-vjeç, dhe tani 9-vjeçari ka arritur të japë 22 dhurime.
“Ta di se ai ka ndihmuar familjet në situata të vështira... është e mrekullueshme”, ka thënë pronarja e tij, Wendy Gray.
Qendra e Gjakut të Kafshëve e Mbretërisë së Bashkuar ka thënë se secili dhurim prej 450ml gjak mund të ndihmojë deri në katër qen, ndërsa e quajti Woodien një “superyll”, shkruan BBC.
Qendra ka thënë se gjaku i qenit është shumë i kërkuar pasi ka më shumë gjasa të jetë negativ – që do të thotë se mund t’i jepet çdo qeni në raste urgjente – dhe vetëm 30 për qind e qenve mendohet se e ka këtë grup të gjakut.
Woodie nuk mund të dhurojë më gjak sepse gjaku mund të merret vetëm nga qentë e moshës 1 deri 8-vjeç.