Më 2 janar 2022, Kane Tanaka , japoneze, gruaja më jetëgjatë në botë, mbush 119 vjeç , sipas dëshmisë autoritative të Librit të Rekordeve Guinness
Përveç pandemisë Covid, zonja i mbijetoi edhe dy luftërave botërore, efekteve të bombës atomike në Nagasaki dhe një tumori, në moshën 103-vjeçare.
Sot e moshuara banon në një shtëpi pleqsh në Higashi-ku, prefektura Fukuoka, është ende në gjendje të mirë shëndetësore dhe i kalon ditët duke bërë shëtitje të shkurtra në korridoret e objektit që e pret.
Hobi i saj përfshin kaligrafinë dhe llogaritjen.
Dieta e saj përbëhet nga orizi, peshku dhe supa.
Kane Tanaka gjithashtu pi shumë ujë dhe e ndjek këtë dietë që në moshën 112-vjeçare.
Ajo ka ende një oreks të fortë, preferon ëmbëlsirat dhe pi tre kanaçe në ditë kafe të konservuar, si dhe pije ushqyese dhe pije të gazuara.
119 vjeçarja nuk lodhet duke përsëritur se familja do të thotë gjithçka për të dhe se gjumi i qetë është sekreti i jetëgjatësisë së saj.
Kur ishte 103 vjeç, Tanaka u diagnostikua me kancer në zorrën e trashë, por falë një operacioni në kohë që iu nënshtrua në Tokio, ajo arriti të mbijetonte.
