Një gazetar televiziv nga India, Rahul Shivshakar, është bër viral në “Twitter”, pasi gjatë një lidhje direkte me dy të ftuar, i kishte ngatërruar ata.
Për më keq, Shivshakar tensionohet dhe replikon ashpër me kryeredaktorin e gazetës ukrainase “Kyiv Post”, Bohdan Nahaylo, rreth situatës në Ukrainë, e të cilin gjatë gjithë përplasjes i drejtohet me emër të të ftuarit tjetër nga instituti “Ron Paul”, Daniel Mc Adams.
Ky i fundit pas gjithë përplasjes në mes të Shivshakar dhe Nahaylo, reagon me habi dhe thotë se nuk po e kupton arsyen pse po i bërtet meq nuk e kishte thënë ende asnjë fjalë.
Shivshakar pastaj i thotë se “e kam me z.Adams dhe jo me ju”.
Pas kësaj, Adams ia sqaron gazetarit se është duke u përplasur me kryeredaktorin e Kyiv Post, Bohdan Nahaylo dhe se vetë është Daniel Mc Adams.
This has to be one of the best videos from Indian TV newsroom. pic.twitter.com/Qua4hlk3QN
— Ahmer Khan (@ahmermkhan) March 3, 2022
Pas kësaj, Shivashkar ndalet dhe kërkon falje që i kishte ngatërruar.
