Një ngjarje e pazakontë ka ndodhur në Britani, ku një burrë në shenjë hakmarrjeje pasi e ka lënë e dashura, i ka hipur kamionit dhe e ka përplasur atë me shtëpinë e ish-partneres.
Derek Wellington 34-vjeç, shkaktoi një dëm prej 475 mijë paundësh, pasi goditi banesën ku jetonte ish e dashura e tij Sara Cassidy dhe fëmijët e saj.
Fillimisht Derek kishte telefonuar Sarën duke i thënë se do ta parkoj kamionin e tij në dhomën e saj të ndenjes, dhe vetëm disa minuta më vonë e ka përplasur mjetin me shtëpinë e ish të dashurës.
Fatmirësisht Sara e kishte marrë seriozisht kërcënimin dhe e ka lënë banesën bashkë me fëmijët e saj.
Policia ka arrestuar menjëherë autorin, i cili më herët kishte dhe një urdhër ndalimi për t’iu afruar ish-partneres dhe fëmijëve të saj.
