Ne nje nga emisionet e mengjesit te “Top Channel”-it, drejtuesi i emisionit, jo pa u krekosur, perdori termin “Populli i Big Brother”-it, per te treguar se sa shume ndiqet kjo shfaqje televizive.
Qe ndiqet masivisht nga shqiptaret, nuk ka asnje diskutim. Pyetja qe shtrohet eshte: Perse?
Mos valle per shkak te vlerave artistike? Perkundrazi, aty gjen me bollek gjera te rendomta, por asnje gjurme arti e kulture.
Mos valle , per shkak te permbajtjes, pra te temave te medha qe trajton? Perkundrazi, temat meskine (mbijetesa, nepermjet pasurimit te shpejte, me çdo kusht e cmim) mbizoterojne, fillim e mbarim ne kete shfaqje.
Atehere, mbase, per shkak te vlerave morale, apo modelit te mire qe ofron per shoqerine? Perkundrazi, parimi baze i saj eshte lejimi i gjithçkaje, pa skrupuj. Organizatoret dhe drejtuesja e emisionit ngazellehen, kur pas kembenguljes se tyre te gjate zbulojne “kimine” midis çifteve pjesemarrese, pavaresisht se behet fjale jo per kimi, por vec per aritmetike (llogari), ne funksion te interesave egoiste.
Ne gjykimin tim, pergjigja e kesaj pyetjeje gjendet ne vet realitetin shqiptar. Per njerezit shpresehumbur, “Big Brother” sherben si narkotik, ashtu siç sherbejne per disa te tjere, alkooli, bixhozi e “qetesues” te tjere, per te mbytur brengat, mjerimin e trishtimin, qofte edhe per nje moment.
Ajo qe shqeteson eshte: A jane te vetedijshem shqiptaret se, veç nje doze te vogel te lehtesimit momental, ashtu si çdo droge tjeter, edhe “Big Brother” ofron helm ne doza te tilla qe demton seriozisht, jo vetem organizmin e çdo individi, por edhe ate te shoqerise shqiptare, ne pergjithesi?
