Opinioni publik në mbarë shqiptarinë është tronditur nga vrasja e Liridona Ademaj. Ish burri i saj thuhet se ka pranuar se është porositësi i vrasjes së saj. Me këtë rast kanë shpërthyer kërkesat e opinionit që ish burri i të nderës bashkë me vrasësin dhe një person tjetër të përfshirë të dënohen me vrasje. Ndonëse ligjet e vendit tonë nuk e lejojnë dënimin me vrasje.
Dënimi me vdekje është dënim i cili jepet nga Gjyqtari dhe konsiston ne ekzekutimin e të dënuarit. Ndonëse në asnjë shtet të Evropës, përfshi Kosovën, nuk lejohet dënimi me vdekje, gjithsesi janë ende katërmbëdhjetë vendet që kanë legalizuar dhe ruajtur të drejtën për të ekzekutuar kriminelët për krimet e tyre janë: Bangladeshi, Kina, Egjipti, Etiopia, Indi, Indonezia, Irani, Japonia, Nigeria, Arabia Saudite, Korea e jugut, Sri Lanka, Tajvani dhe Shtetet e Bashkuara të Amerikës.
Në SHBA, shumica e njerëzve mbështesin dënimin me vdekje dhe votojnë për ata politikanë që marrin qëndrim të fortë kundër krimit. Janë dy palë, njëra që mbështet dhe tjetra jo dënimin me vdekje. Duke parë që raste të tilla si i Liridonës, pastaj Marigonës dhe përdhunimi i 11 vjeçares, dënimet me burg janë pak, qoftë edhe me burgim të përjetshëm.
Sipas njohësve të ligjeve në vendin tonë, për vrasje të tilla dënimi minimal është 10 vjet burg e deri me burgim të përjetshëm. Mirëpo, seriozisht duhet parashtruar pyetja, a duhet të ketë dënim me vdekje për kriminelë që vrasin femrën në mënyrë mizore, a parandalon një veprim i tillë vrasjet e tilla si të Liridona Ademaj?!
