Policia në Pejë thotë se është shtuar numri i qytetarëve që nuk respektojnë vendimet për kufizim të lëvizjes - Bota Sot
Policia në Pejë thotë se është shtuar numri i qytetarëve që nuk respektojnë vendimet për kufizim të lëvizjes

Peja

Policia në Pejë thotë se është shtuar numri i qytetarëve që nuk respektojnë vendimet për kufizim të lëvizjes

Më: 15 maj 2020 Në ora: 17:21
Foto ilustrim

Drejtoria rajonale e Policisë së Kosovës në Pejë, ka njoftuar se kohëve të fundit është vërejtur numër i shtuar i qytetarëve të cilët nuk kanë respektuar vendimet e institucioneve të vendit, për të cilat Policia dhe Inspektorët komunalë janë obliguar që të iniciojnë procedura ligjore.

Policia thotë se që nga fillimi i implementimit të urdhrit operativ “gatishmëria vepruese për parandalim të COVID-19”, ka kryer punën në mënyrën me të mirë dhe më profesionale të mundshme dhe atë me të gjitha kapacitetet e veta.

“Që nga data 04.05.2020 kanë hyrë në fuqi masa lehtësuese të veprimit për parandalimin e sëmundjes COVID-19, mirëpo kohëve të fundit është vërejtur numër i shtuar i qytetarëve të cilët nuk kanë respektuar vendimet e Institucioneve të vendit, për të cilat Policia dhe Inspektorët komunal janë obliguar që të iniciojnë procedura ligjore. Nga data e lehtësimit të masave nga ana e Ministrisë së Shëndetësisë, kur ka filluar faza e parë e deri me sot, janë iniciuar 11 (njëmbëdhjetë) raste Mosveprim sipas Dispozitave Shëndetësore gjatë Epidemisë, ndërsa vetëm gjatë kësaj jave janë iniciuar 8 (tetë) raste. Personat e dyshuar janë arrestuar dhe në shumicën e rasteve Prokurori i Shtetit ka urdhëruar masën e ndalimi për 48 orë. Po ashtu, për mos respektim të orarit të lëvizjes, mos bartje të pajisjeve mbrojtëse (maska, doreza) dhe për mos mbajte të distancës – janë proceduar 189 raste”, thuhet në komunikatë.

Policia në Pejë vlerëson që veprimet ligjore të përbashkëta të institucioneve dhe sjellja e përgjegjshme e bashkëpunuese e qytetarëve, në respektim të dispozitave ligjore për parandalim të sëmundjeve ngjitëse, ka dhënë rezultate pozitive konkrete.

“Andaj apelojmë tek qytetarët që të tregojnë vetëdije dhe përgjegjshmëri të lartë qytetare në respektimin e masave parandaluese te vendosura nga institucionet e vendit edhe gjatë kësaj faze dhe në të ardhmen në mënyrë që të kalojmë së bashku ketë situatë pandemie”, thuhet në komunikatë.

Shfaq komentet
comments powered by Disqus
Sot mund të lexoni Shfletoni kopertinat