“Gjykata Speciale, Hashim Thaçin do ta arreston të fundit” - Bota Sot
“Gjykata Speciale, Hashim Thaçin do ta arreston të fundit”

Politika

“Gjykata Speciale, Hashim Thaçin do ta arreston të fundit”

Nga: N.Sh Më: 13 janar 2019 Në ora: 08:50
Adem Salihaj dhe Hashim Thaçi

Ish-deputeti i Kosovës, Adem Salihaj, thotë se, në Kosovë nuk do të ndodhë arrestimi i ndonjë funksionari të lartë, sepse gjykatat dhe prokuroria janë të kapura.

Salihaj thotë se, kjo i bie sikur mafia politike e Kosovës të vendosë ta arrestojë veten.

“Ndonjë arrestim edhe mund të bëhet, por vetëm nëse ai person ose grup kriminal nuk është i lidhur me pushtetin, ose nëse vetë pushtetarët kanë vendosur ta sakrifikojnë ndonjë anëtar të tyre, për të lënë përshtypjen e rrejshme se po luftohet krimi i organizuar”, thotë Salihaj për gazetën “Bota sot”.

Ai shprehet se, pavarësisht se nuk ka aq besim te Gjykata Speciale, mendon se disa prej emrave të rëndësishëm të PDK-së do të arrestohen.

Image
Adem Salihaj

“Se sa do të dënohen nuk e di, sepse duhet ta kemi parasysh se do të ketë mjaftë dëshmitarë, të cilët nuk do të kenë guxim të dëshmojnë, për shkak të rrezikut për jetën e tyre. Ne të gjithë e dimë se janë vrarë numër i madh i dëshmitarëve. Deri tash, as shteti ,e as gjykatat ndërkombëtare nuk kanë treguar gatishmëri për mbrojtjen e dëshmitarëve. Një gjë është e sigurt, deri sa Thaçi të ketë ende shokë për të dërguar në Gjykatën Speciale, ai nuk do të arrestohet. Shpesh e kam thënë se Thaçi do të arrestohet i fundit, kur më të mos ketë shokë për të arrestuar”, përfundon Adem Salihaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...