Rrafshi i Dukagjinit ka një kohë që herë pas here po përballet me krime të rënda.
Por ajo që mori vëmendjen është që pikërisht këto krime u kryen gjatë mandatit të drejtorit rajonal të Pejës, Shaban Shala.
Ishin disa nga deputetët që kërkuan i njejti të shkarkohet, pasi nuk po arrinë të menaxhoj situatën.
Analisti politik Faton Mehmeti në një prononcim për “Bota sot”, thotë që në raste kur bëhen fjalë për vrasje dhe lloje të tilla të krimeve, drejtori i policisë duhet të shkarkohet.
“Është mungesë kulture akti i dorëheqjes tek ne, qoftë edhe si akt moral. Në këtë kuptim kjo e bën të detyruar shkarkimin, në veçanti kur rastet janë të ndjeshme dhe askush nuk arrestohet. Në rastin konkret kemi të bëjmë me vrasje, me policinë që është garantues i rendit”, thekson analisti.
Ai në fund thotë që nëse Shala nuk dorëhiqet i njëjti duhet të shkarkohet menjëherë.
“Kur kjo nuk ndodhë, atëherë nuk e ka kryer punën siç duhet. Me këtë rast dikush duhet të largohet, i pari duhet të jetë drejtori i policisë. Në këtë kuptim, Shaban Shala nuk e ka kryer punën siç duhet, duhet të kishte dhënë vet dorëheqje, meqenëse kjo s’ka ndodh, atëherë duhet të shkarkohet menjëherë”, përfundoi Faton Mehmeti për “Bota sot”.
