Anulohet festivali Sunny Hill në Prishtinë

Prishtina

Anulohet festivali Sunny Hill në Prishtinë

Më: 22 maj 2020 Në ora: 19:35
Logoja e Festivalit Sunny Hill.

Organizatorët e festivalit të muzikës, Sunny Hill kanë njoftuar se kanë anuluar edicionin e sivjetmë për shkak të situatës së krijuar nga pandemia e koronavirus.

Ky festival, që për dy vite me radhë është mbajtur në Parkun Gërmia në Prishtinë, ka dërguar në Kosovë, emra të njohur të muzikës ndërkombëtare, si Dua Lipa, Calvin Harris, Martin Garrix, Miley Cyrus, Action Bronson, e shumë të tjerë.

“E konfirmojmë me zemër të thyer se Festivali Sunny Hill 2020 nuk do të mbahet në gusht, për shkak të krizës së pashembullt globale të shkaktuar nga Covid-19”, është thënë në njoftim.

Image

Megjithatë, organizatorët kanë shprehur bindjen për mbajtje të festivalit në vitin e ardhshëm.

“Ndonëse jemi të mërzitur se nuk do ta festojmë këtë verë së bashku, ne mezi presim t’ju takojmë më 2021”, është thënë mes tjerash në njoftim.

Sipas të dhënave të Universitetit Johns Hopkins, mbi 5 milionë persona në gjithë botën janë infektuar me koronavirus.

Prej tyre, mbi 300,000 pacientë kanë vdekur.

commentFirst article
Sot mund të lexoni Shfletoni kopertinat