Mbrëmjen e së shtunës disa zjarre janë përhapur në lagje të ndryshme të Prishtinës.
Rreth orës 19:30 në bregoren e Sofalisë është parë një zjarr që ka përfshirë barishtet dhe hamulloret.
Zjarre të mëdha janë përhapur edhe në lagjen Kodra e Trimave të Prishtinës.
Nga banorët raportohet se zjarri që ka përfshirë barishtet ka rrezikuar edhe shtëpitë.
Ditë ma parë zjarre të ngjashme kishin përfshirë edhe hamulloret në Veternik.
Komuna kishte bërë apel te qytetarët që të mos ndezin barishte e hamullore.
