Komuna e Prishtinës ka kërkuar nga klubet e natës të cilat kanë të drejtë të punojnë pas orës 24:00, që të paguajnë taksën për punë gjatë orarit të natës për vitin 2023, sipas rregullores për orarin e punës dhe mbrojtjen nga ndotjen akustike.
Në njoftim komuna u ka bërë thirrje të gjitha klubeve që të aplikojnë për t`ju nënshtruar procedurave të parapara sipas rregullores.
Aplikimi është i hapur nga 22 dhjetori deri më 15 janar.
“Kërkesës duhet ti bashkëngjiten: Certifikata e Biznesit me informata dhe kopja e dokumentit identifikues.
Afati i aplikimit nga 22 dhjetor 2023 deri më 15 janar 2024. Kërkesa duhet të paraqitet në sportelet e Qendrës për Shërbim me Qytetarë, objekti i vjetër i komunës” thuhet në njoftim.
