Shkencëtarët thonë se mund ta kenë zbuluar se pse gratë kanë më shumë gjasa se burrat për t’u prekur nga sëmundja e Alzheimer.
Gjithnjë është menduar se gratë që jetojnë më gjatë se burrat ishte arsyeja.
Por, kërkimet e reja të paraqitura në një konferencë ndërkombëtare sugjerojnë se kjo nuk është e tëra.
Dallimet në lidhjen e trurit dhe gjenet specifike të lidhura me seksin mund të shpjegojnë numrat, thonë studiuesit.
Shumica e njerëzve që jetojnë me Alzheimer – shkaku më i zakonshëm i çrregullimeve mendore – janë femra.
Studiuesit nga Qendra Mjekësore e Universitetit Vanderbilt analizuan skanimet e truri të qindra burrave dhe grave, duke parë modelin e një proteine të quajtur tau.
Një nga karakteristikat e Alzheimer-it është krijimi i proteinave të quajtur tau dhe amiloid në tru. Kur formojnë grumbuj toksikë, të ngatërruar, kjo bën që qelizat e trurit të vdesin, duke çuar në probleme të memories.
Hulumtuesit gjetën dallime midis gjinive në atë se si u përhap tau në rajone të ndryshme të trurit.
Gratë duket se kanë lidhje më të mirë midis rajoneve ku rritet proteina tau – dhe kjo kishte implikime për trurin, tha studimi.
Me këtë lidhje më të lartë, truri i grave mund të jetë në rrezik për përhapjen më të shpejtë të tau – dhe të dëmtimit të aftësive njohëse.