Gjumi është një nga shtyllat themelore për të gëzuar një shëndet të mirë. Mungesa e tij ka ndikime negative në shëndetin fizik dhe atë mendor. Një studim i kohëve të fundit tregon disa nga këto efekte negative.
Dëmtim i trurit
Dianne Augelli, nga spitali Presbiterian në Nju Jork (SHBA), kujton se pasojat e mungesës së gjumit në funksionet njohëse të trurit, kujtesën dhe të mësuarit mund të shihen vetëm pas një nate qëndrimi pa gjumë. Gjumi ndihmon në konsolidimin e kujtesës dhe të të mësuarit, prandaj kur nuk çlodhesh mjaftueshëm ato përkeqësohen. Ndërkohë, Yelena Pyatkevich nga Qendra Mjekësore e Bostonit (Massachusetts, SHBA), thotë se një natë pa gjumë bën që truri të sillet sikur të ishte i dehur: “24 orë pa gjumë është e barabartë me 0, 1% alkoolit në gjak”.
Ndryshim i humorit brenda disa sekondash
Edhe pse mungesa e zgjatur e gjumit sjell depresion dhe ankth, në qoftë se ndodh për një natë mund të përmirësojë gjendjen shpirtërore. Yelena Pyatkevich tregon se kjo ndodhë për shkak se trupi çliron “disa neurotransmetues të caktuar dhe hormone për të qëndruar zgjuar”. Por mos harroni se ndjenja e euforisë nuk zgjat shumë.
Dëmtim i lëkurës
Këto eksperte thonë se ka një korrelacion mes mungesës së gjumit dhe plakjes së lëkurës, që nga rrudhat deri tek njollat, dermatitis, apo psoriasis. Kjo ndodh për shkak se, kur nuk flihet mjaftueshëm, trupi sekreton nivele të larta të kortizolit, një hormon që në sasi të tepërt dëmton kolagjenin, që është proteina që e mban lëkurën të butë. Megjithatë, të gjitha këto çrregullime ndikojnë në epidermë në kohëra afatgjata, prandaj nëse kaloni një natë pa gjumë, lëkura juaj nuk do të përkeqësohet në mënyrë drastike.
Shtim i oreksit
Studimi tregon se privimi nga gjumi rrit nivelet në gjak të një substancë që amplifikon dëshirën për të ngrënë; në veçanti, të ëmbla apo të kripura me përmbajtje të lartë yndyre. Përveç kësaj, mungesa e gjumit mund të ndikojë drejtpërdrejt në hormonet që rregullojnë sheqerin në gjak, depozitimin e yndyrës, oreksin.
Dobësim i metabolizmit
Njerëzit që nuk flenë mjaft orë kanë më shumë gjasa të dobësojnë metabolizmin e tyre, procesi i lejon trupit për të kthyer në ushqimin që ne hamë në energji. Nëse metabolizmi është dobësuar, mund të bëjë që një person të ndjehet më i lodhur dhe të kontribuojë në sëmundje të ndryshme që nga obeziteti deri te diabet apo sëmundje të tjera të zemrës.
Rritje e rrezikut të sëmundjeve kardiovaskulare
Gjumi luan një rol jetik në riparimin e enëve të gjakut dhe zemrës. Sipas këtij hulumtimi, mungesa e gjumit rrit rrezikun e problemeve shëndetësore kronike, të tilla si presioni i lartë i gjakut apo sëmundje të tjera kardiovaskulare. Disa hulumtime tregojnë se një natë pa gjumë mjafton për të përjetuar një rritje të presionit të gjakut të nesërmen.
Ulje e performancës atletike
Për të arritur performancën maksimale në çdo aktivitet fizik është thelbësore që trupi të pushojë mirë. Sipas kësaj analize, kur një atlet nuk çlodhet mjaftueshëm, rendimenti bie në mënyrë të konsiderueshme, veçanërisht në qoftë se mungesa e gjumit është e zgjatur në kohë. Kështu, gjumi është aq i rëndësishëm aq sa një numër i madh institucionesh sportive aplikojnë shkencën e gjumit në metodat e tyre të trajnimit dhe detyrojnë konkurrentët të ndjekin një plan të veçantë oraresh kur duhet të flenë.
Dobësim i sistemit imunitar
Gjumi i kufizuar ose me cilësi të dobët mund të bëjë që njerëzit të vuajnë nga më shumë sëmundje, për shkak se sistemi imun dobësohet dhe ka më pak aftësi për të mbrojtur trupin nga agjentët e jashtëm. Dianne Augelli konfirmon se sistemi imunitar është në rrezik kur nuk flihet mjaftueshëm, qoftë edhe për një natë.
