Gjatë verës lahemi në lumenj, pishina dhe det, kështu që ka më shumë gjasa që të na depërtojë uji në vesh. Përpos që një gjë e tillë është e pakëndshme, mund të jetë edhe e rrezikshme, meqë mund të rezultojë me infeksion të veshëve.
Ja si mund ta largoni shpejt ujin nga veshët. Përgatitni pika nga alkooli dhe uthulla. Kjo tretësirë do ta mundësojë daljen e ujit nga veshët dhe do ta parandalojë infektimin.
Procedura është e thjeshtë: në një shishe të vogël vendosni gjysmën e sasisë alkool dhe gjysmën uthull të bardhë dhe, me pikatore vendosni disa pika të kësaj tretësire në vesh. Lakojeni kokën që tretësira të dalë jashtë. Këtë mos e bëni nëse e keni timpanin e veshit të dëmtuar.
Një metodë tjetër e largimit të ujit nga veshët, është duke krijuar vakuum në veshë. Mbylleni veshin me shuplakë të dorës dhe, duke e lëvizur dorën brendajashtë (pa e larguar nga veshi), krijoni vakum. Uji duhet të dakë jashtë pas largimit të dorës. Nëse as kjo nuk bën punë, provoni ta hapni gojën sa më shumë, e nëse dështon edhe kjo, atëherë shkoni te mjeku, sidomos nëse keni edhe dhembje.
