Ushtrime për ta larguar stresin me anë të frymëmarrjes

Shëndetësia

Ushtrime për ta larguar stresin me anë të frymëmarrjes

Më: 1 gusht 2021 Në ora: 10:58
Ilustrim

Një pandemi botërore është më se e mjaftueshme për të shkaktuar stres të tepërt. Shumë njerëzve u është dashur të përballen me një ndryshim të jetës së punës dhe jetës familjare.

Por nëse keni frymëmarrje të rregullt në fillim të ditës suaj, kjo mund t’iu ndihmojë në shtimin e qëndrueshmërisë në rutinën tuaj.

Për ta përmirësuar frymëmarrjen tuaj ju duhet të bëni disa ushtrimë për dy deri në tre minuta çdo mëngjes, raporton CNN.

1. Frymëmarrje e thellë

Ju me siguri e keni praktikuar këtë lloj frymëmarrjeje nëse keni marrë mësime joga. Gjeni një vend të rehatshëm dhe të qetë për t’u ulur, ku nuk do të shpërqendroheni. Merrni frymë thellë përmes hundës për pesë sekonda, duke numëruar me kokën tuaj. Pastaj nxirreni ngadalë përmes hundës për pesë sekonda frymën, duhet të përqendroheni vetëm në lëvizjen e frymës tuaj.

2. Frymëmarrja alternative e hundës

Frymëmarrja alternative nga hunda është një lloj tjetër i frymëmarrjes për të cilin mund të keni dëgjuar. Ky lloj frymëmarrjeje mund të bëhet gjatë meditimit ose thjesht për t’u çlodhur.
Duhet të jeni të ulur rehat, vendoseni dorën e majtë në gjurin tuaj të majtë dhe dorën e djathtë drejt hundës.

Pasi merrni frymën përdorni gishtin e madh të dorës së djathtë për të mbuluar vrimën e djathtë të hundës. Merrni frymë përmes vrimës së majtë të hundës, pastaj përdorni gishtin tuaj tregues për të mbyllur vrimën e majtë të hundës e majtë dhe lëshojeni gishtin e madh që e keni pasur të vendosur në vrimën e djathtë të hundës dhe nxirreni frymën përmes kësaj pjese.

3. Frymëmarrja e pompës së grushtit forcues

Ky model i frymëmarrjes përqendrohet në thithjen përmes hundës dhe nxjerrjes së frymëmarrjes përmes gojës. Frymëmarrja përmes hundës ndihmon trupin tuaj të filtrojë pluhurin ose alergjenët dhe rrit nivelin e oksigjenit në mushkëritë tuaja. Thithja përmes gojës lejon që më shumë ajër të dalë nga trupi juaj dhe relakson nofullën dhe trupin tuaj.

Uluni të qetë me këmbët tuaja të kryqëzuara. Me duart grusht, të ngritura pranë gjoksit, pomponi krahët në ajër ndërsa nxjerrni frymën.

4. Meditimi i frymëmarrjes

Ky ushtrim kërkon një hapësirë të qetë pa shpërqendrime. Uluni në një pozitë të rehatshme dhe lejoni vetes të merrni frymë dhe të nxirrni sa më natyrshëm që të jetë e mundur përmes hundës. Përqendrohuni në ajrin që lëviz brenda dhe jashtë mushkërive tuaja.

Meditimi i frymëmarrjes është i njohur për uljen e rrahjeve të zemrës, uljen e presionit të gjakut dhe madje lehtëson lodhjen. Përfshirja e meditimit të frymëmarrjes në rutinën tuaj të mëngjesit mund t’ju ndihmojë t’i jepni trupit tuaj fillimin e ri që i duhet për të pasur sukses.

Në këto kohë të pasigurta, praktikimi i ndonjë prej këtyre ushtrimeve të shkurtra të frymëmarrjes në mëngjes ju inkurajon t’i kushtoni vëmendje një gjëje të sigurt, frymëmarrjes tuaj.

Shfaq komentet
comments powered by Disqus
Sot mund të lexoni Shfletoni kopertinat