Një hulumtim nga Universiteti Edith Cowan i Australisë ka zbuluar se njerëzit që kanë një dietë të pasur me vitaminë K kanë deri në 34 përqind më pak rrezik për sëmundje kardiovaskulare të lidhura me arteriosklerozën.
Sipas Gazetës së Shoqatës Amerikane të Zemrës, studiuesit shqyrtuan të dhënat mbi efektin e vitaminës K të marra nga më shumë se 50,000 të anketuar të studiuar për më shumë se 20 vjet.
Ekzistojnë dy lloje të vitaminës K që gjenden në ushqimet që hamë: vitamina K1 vjen kryesisht nga perimet me gjethe jeshile dhe vajrat vegjetale ndërsa vitamina K2 gjendet në mish, vezë dhe ushqime të fermentuara.
Studimi zbuloi se njerëzit me marrjen më të lartë të vitaminës K1 kishin 21 përqind më pak të ngjarë të shtroheshin në spital me sëmundje kardiovaskulare të lidhura me arteriosklerozën. Për vitaminën K2, rreziku për t’u shtruar në spital ishte 14 përqind më i ulët.
Ky rrezik më i ulët u pa për të gjitha llojet e sëmundjeve të zemrës të lidhura me arteriosklerozën, veçanërisht për sëmundjen e arteries periferike në 34 përqind.
Është pohuar nga studiuesit se udhëzimet aktuale dietike për konsumin e vitaminës K përgjithësisht bazohen vetëm në sasinë e vitaminës K1 që një person duhet të konsumojë për të siguruar që gjaku i tij të mpikset.
Sidoqoftë, ka prova në rritje që marrja e vitaminës K mbi udhëzimet aktuale mund të sigurojë mbrojtje të mëtejshme kundër zhvillimit të sëmundjeve të tjera, të tilla si arterioskleroza. Faza tjetër e hulumtimit do të përfshijë zhvillimin dhe përmirësimin e bazave të të dhënave mbi përmbajtjen e vitaminës K2 të ushqimeve.
