Acidet yndyrore Omega-3 janë kryefjala e lajmeve dhe këshillave për shëndetin.
Këto ushqyes janë tejet të dobishëm dhe për fat të mirë gjenden tek ushqime si: arrat, produktet e detit, farat dhe vajrat bimorë.
Acidet yndyrore Omega-3 ndahen në tre lloje:
Acidi alfa-linoleik,
Acidi eikospaentaenoik,
Acidi dokosaheksaenoik.
Ky grupim acidesh ofron përfitime të shkëlqyera për shëndetin.
Ato e ndihmojnë njeriun të luftojë depresionin, inflamacionin dhe të mbrojë shëndetin e zemrës.
Disa përfitime shtesë që acidet yndyrore Omega-3 ofrojnë për njeriun kanë të bëjnë me lëkurën dhe flokët.
Kundër Dëmeve Nga Dielli
Këto acide e mbrojnë lëkurën nga rrezet e dëmshme ultravjollcë UVA dhe UVB.
Ekspertët thonë se konsumi i vazhdueshëm i acideve yndyrore përmirëson shëndetin e lëkurës dhe pengon shfaqjen e puçrave apo skuqjes nga dielli.
Ato e bëjnë lëkurën të ketë ndjeshmëri më të lartë ndaj rrezeve të diellit.
Kundër Akneve
Kjo ndodh sepse aknet, kryesisht shfaqen si pasojë e një inflamacioni në organizëm dhe acidet yndyrore Omega-3 janë efikase në eliminimin e tij.
Kundër Tharjes dhe Skuqjes së Lëkurës
Acidet yndyrore ndihmojnë të ruajnë lagështinë e lëkurës.
Ato shmangin tharjen, skuqjen dhe ashpërsimin e saj.
Studimet thonë se në vetëm 12 javë konsumi të rregullt të acideve, lëkura e fytyrës është më e hidratuar, e butë dhe e ushqyer.
Për Flokët
Acidet yndyrore Omega-3 nxisin rritjen e flokut. Kjo është vënë re nga disa studime mbi gratë me flokë të hollë.
Rezultatet treguan se marrja e suplementëve pakësonte ndjeshëm ritmet e rënies së flokëve dhe nxiste rritjen e tyre.
Ushqimet më të mira për shëndetin e flokëve të cilat përmbajnë Omega-3 janë: salmoni, skumbria dhe harenga.
Ato gjithashtu ofrojnë proteinë, vitaminën D3 dhe kompleksin e vitaminave B që janë thelbësore për shëndetin e flokëve.
