Sindroma e personit të ngurtë (stiff person syndrome) është një gjendje e rrallë neurologjike që mund të marrë vite për t'u diagnostikuar dhe për të përshtatur trajtimin.
Këngëtarja Celine Dion njoftoi të enjten më një video në Instagram, se po anulon disa koncerte pasi është diagnostikuar me këtë sëmundje.
Çfarë është sindroma e personit të ngurtë?
Karakterizohet nga ngurtësia dhe spazma e muskujve, ndjeshmëri e shtuar ndaj stimujve si zëri, dritat dhe shqetësimi emocional që mund të shkaktojë spazma muskulore.
“Shpesh shoqërohet me spazma të muskujve, të cilat mund të jenë mjaft të rënda. Këto mund të shkaktojnë rënie, dhimbje të forta dhe paaftësi të konsiderueshme,” tha Dr. Emile Sami Moukheiber nga Qendra e Sindromës së Personit të ngurtë në Johns Hopkins Medicine. “Rëniet nga spazmat e rënda janë shumë të zakonshme. Këto spazma mund të shkaktohen nga tronditja, emocionet e rënda, moti i ftohtë.”
Këngëtarja tha në video se spazmat prekin "çdo aspekt" të jetës së saj të përditshme, ndonjëherë duke shkaktuar vështirësi kur ecën dhe duke mos e lejuar të përdori kordat vokale për të kënduar.
Simptomat e sindromës gjithashtu mund të shkaktojnë ankth.
Kush preket nga kjo sindromë?
Prek rreth një milion njerëz dhe shumica e neurologëve të përgjithshëm shohin vetëm një ose dy raste gjatë jetës së tyre.
Rasti i parë i sindromës së personit të ngurtë u raportua në vitet 1950 dhe sëmundja u referua historikisht si "sindroma e njeriut të ngurtë".
Që atëherë, është zbuluar se prek dy herë më shumë gra sesa burra.
Çfarë e shkakton sindromën e personit të ngurtë?
Sipas Institutit Kombëtar të Çrregullimeve Neurologjike dhe Strokeve, sindroma e personit të ngurtë mendohet të ketë tipare të një sëmundjeje autoimune.
Megjithëse shkaku i saktë nuk është i qartë, sipas institutit, "njerëzit me SPS kanë nivele të larta të GAD, një antitrup që punon kundër një enzime të përfshirë në sintezën e një neurotransmetuesi të rëndësishëm në tru".
Mesatarisht, duhen rreth shtatë vjet që dikush të marrë një diagnozë të sindromës së personit të ngurtë.
Ndonjëherë, pacientët etiketohen si të çmendur, sepse në testi i hershëm, nuk ka tipare dalluese të sindromës.
Si trajtohet?
Nuk ka një kurë të njohur për sindromën e personit të ngurtë, por medikamentet mund të lehtësojnë simptomat. Medikamentet e imunoglobulinave mund të ndihmojnë në uljen e ndjeshmërisë ndaj dritës ose shkaktuesve të tingujve, duke ndihmuar potencialisht në largimin e rënieve ose spazmave.
Lehtësuesit e dhimbjeve, ilaçet kundër ankthit dhe relaksuesit e muskujve mund të jenë pjesë e trajtimit për këtë sëmundje.
