Kanceri i ezofagut është një sëmundje malinje që është shumë e vështirë të njihet. Siç raportohet nga “Sun”, megjithatë, ka disa simptoma që mund të tregojnë se një person vuan nga kjo gjendje vdekjeprurëse.
Ky lloj kanceri në fakt zhvillohet në qelizat e ezofagut që ndodhen brenda mukozës, dhe më pas përhapet në ezofag dhe murin e tij.
Nëse simptomat nuk njihen në kohë, prognoza nuk është inkurajuese, paralajmërojnë mjekët.
Një nga simptomat më të zakonshme të kancerit të ezofagut mund të vërehet kur jemi në tualet, dhe po flasim për ngjyrën e errët të jashtëqitjes. Gjegjësisht, një ndryshim i tillë në ngjyrën e jashtëqitjes ndodh për shkak të gjakderdhjes, dhe gjaku i freskët është gjithashtu i dukshëm në jashtëqitje.
Simptoma të tjera të kancerit të ezofagut përfshijnë: vështirësi në gëlltitje, lodhje, dhimbje stomaku, kollë, humbje zëri ose vështirësi në të folur, urth që nuk largohet për një kohë të gjatë dhe humbje e oreksit.
Hulumtimet tregojnë se rreth 9.300 njerëz diagnostikohen me këtë sëmundje çdo vit, dhe njerëzit mbi 75-vjeç, burrat dhe të gjithë ata që kanë disa sëmundje afatgjata si refluksi gastroezofageal janë në rrezik më të madh. Po kështu, pirja e duhanit dhe alkoolit gjithashtu rrisin shanset për t'u prekur nga kanceri i ezofagut.
