Procesori i ri Apple M1 pushtoi titujt e lajmeve dhe jo pa arsye. Është i shpejtë, efikas, dhe jep rezultate aty ku nevojitet. Po suprizat nuk përfundojnë këtu. Një imazh i shkrepur i një MacBook me procesorin M1 duke përdorur Windows 10 edicionin 64-Bit ARM është publikuar në internet.
Apple M1 madje arrin të ofrojë rezultate performance më të mira në Windows 10 sesa në macOS. Imazhi i postua nga zhvilluesit Alexander Graf me një foto të Task Manager që tregon tabin Performance.
Tabi shfaq një procesor misterioz por Graf tha se është çipi Apple M1. Graf e mori versionin Windows 10 ARM64 nga kanalet eksperimentale të sistemit operativ dhe e vuri në funksion përmes mjetit popullor të virtualizimit QEMU.
Pas virtualizimit, Graf e bëri funksionale përmes Apple Hypervisor.framework, mjetin e virtualizimit të Apple. Kombinimi jo vetëm që i mundësoi Graf të ndizte Windows 10-ën në Apple M1 por të regjistronte ca rezultate të papritura të cilat mund ti shikoni në GeekBench.
Who said Windows wouldn't run well on #AppleSilicon? It's pretty snappy here ?. #QEMU patches for reference: https://t.co/qLQpZgBIqI pic.twitter.com/G1Usx4TcvL
— Alexander Graf (@_AlexGraf) November 26, 2020
Janë rezultate shumë më të larta prej 1288 për një bërthama procesori dhe 5449 për shumë bërthama krahasuar me Surface Pro X me rezultate 762 dhe 3005 respektivisht.
