Vlera totale e kriptomonedhave kapërceu 2 trilionë dollarë për herë të parë ditën e Hënë pas rritjes së bujshme të Ether, kriptomonedhës së dytë më të madhe dixhitale.
Në vetëm dy muaj vlera e tregut është dyfishuar sipas uebsajtit të gjurmimit të çmimeve të kriptomonedhave CoinGecko.
Bitcoin, kriptomonedha më e madhe, përbën 50% të gjithë vlerës së tregut. Gjatë këtij viti është rritur me 100% duke bërë që edhe kriptomonedhat e tjera të rriten.
Muajin e kaluar Bitcoin arriti deri në 61 mijë dollarë. Megjithatë rritja e fundit ka ardhur si rezultat i ditëve të mira të Ethereum.
Edhe pse të dy kriptomonedhat mbështeten në blockchain, në rastin e ethereum blockchain shërben më tepër si platformë softueri ku zhvilluar mund të ndërtojnë aplikacione të decentralizuara.
Më pas mund të shpenzojnë ether në këto aplikacione.
