Presidenti Ilir Meta ka reaguar për ndarjen nga jeta të ish-kryeministrit dhe deputetit socialist Bashkim Fino.
Në një postim në Facebook, Kreu i Shtetit thotë se vdekja e Finos ishte e papritur, duke i lënë pa fjalë.
“Ndarja e papritur nga jeta e mikut, kolegut, politikanit të moderuar dhe e Kryeministrit të Pajtimit Kombëtar në vitin e vështirë 1997, qytetarit aktiv e familjarit shembullor, Bashkim Fino, na ka tronditur të gjithëve këtë mëngjes.
Dhembje e madhe, që na ka lënë pa fjalë!
Ngushëllimet më të ndjera, të prehet në paqe dhe përherë i paharruar në kujtimet tona”, shkruan Ilir Meta.
