Një aksident ka ndodhur pasditen e sotme në rrugën “5 Maji” në Tiranë. Një motor është përplasur me një makinë policie.
Për pasojë kanë mbetur të lënduar të dy drejtuesit dhe pasagjeri i motorit. Ata janë dërguar në spital për të marrë ndihmën e parë mjekësore dhe ndodhen jashtë rrezikut për jetën.
“Më datë 24.08.2021, rreth orës 14:44, në rrugën “5 Maji”, shtetasi E. T., 26 vjeç duke drejtuar motomjetin ka humbur kontrollin e tij, dhe ka dëmtuar mjetin e policisë me drejtues punonjësin e policisë R. T., 30 vjeç.
Si pasojë janë dëmtuar të dy drejtuesit e mjeteve dhe pasagjeri në motomjet, të cilët u dërguan në spital, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
