Vendbanimi arkeologjik i Komanit, nevojitet që të shpallet zonë e mbrojtur në kuadër të parkut arkeologjik.
Kjo është kërkesa e arkeologëve, të cilët kanë vlerësuar dhe studiuar rrënojat dhe provat e gjetura në këtë vendbanim, që sipas tyre tregon lidhjen e hershme mes ilirëve në lashtësi dhe shqiptarëve të mesjetës.
Në vendbanimin e Komanit, i njohur edhe si kodra e Kalasë së Dalmacës, janë gjetur mure të banesave, dy kishave mesjetare si dhe mjaft objekte dhe sende që i shërbenin mënyrës së jetesës në atë kohë.
Të dhënat arkeologjike kanë hedhur dritë se mund të kemi të bëjmë me qendër peshkopale mesjetare.
