Shqipëria të mërkurën e 1 qershorit, merr presidencën e Këshillit të Sigurimit.
Në pallatin e qelqtë të OKB-s, në ceremoninë e marrjes të kësaj presidence 30 ditore , do të mbajë një fjalë kryeministri Edi Rama i cili ndodhet në New York.
Kësaj ngjarje historike për vendin tonë i ka paraprirë një takim i kryeministrit Edi Rama me Sekretarin e Përgjithshëm të OKB, António Guterres.
Zyra e shtypit në kryeministri thotë se ky takim ka shërbyer për të diskutuar programin e përparësitë e presidencës shqiptare të Këshillit të Sigurimit dhe gatishmërinë për të ofruar kontributin e saj në shërbim të paqes dhe sigurisë, e të drejtave të njeriut.
Kryeministri Rama, i cili në këtë takim ishte bashku me Ministren për Evropën dhe Punët e Jashtme Olta Xhaçka, është takuar edhe me Linda Thomas Greenfield, Ambasadore e SHBA-së në OKB.
Kryeministri thotë se ambasadorja Greenfield, shprehu konsideratat më të larta për performancën e Shqipërisë në Këshillin e Sigurimit.
Shqipëria i është bashkuar Këshillit të Sigurimit të Kombeve të Bashkuara, si anëtar jo i përhershëm ku ka marrë edhe përgjegjësinë e bashkë-penëmbajtësit me Shtetet e Bashkuara, për çështjen e Ukrainës.
Paçka se një vend i vogël, Shqipëria në Këshill ka treguar vendosmëri përkrah SHBA në udhëheqjen e këshillin me disa rezoluta për Ukrainën.
