Komisioni pës Sigurinë Kombëtare ka nisur me debate të forta mes të prinishmëve. Deputeti i Partisë Demokratike Ferdinant Xhaferraj është përplasur me deputetët socialistë me praninë e kreut të Kadastrës Artan Lame në mbledhjen e sotme.
Xhaferraj u shpreh se korrupsioni në Kadastra sot përbën kërcënim për sigurinë kombëtare. Nga ana tjetër ministrja e Shtetit për Marrëdhëniet me Parlamentin deklaroi se Lame është pjesë e grupit të punës së caktuar nga kryeministri për titujt e nderit.
Debati:
Xhaferraj: Nuk ka punë drejtori i legalizimeve për dekoratat
Spiropali: Ai është pjesë e një grupi pune për këtë çështje. Është në cilësinë e këtij grupi pune të firmosur.
Xhaferraj: Të lutem shumë kryetar, zoti Lame nuk duhet që të jetë këtu. Ai është cënimi i sigurisë kombëtare.
Naso: E para, nuk je as mbret dhe as xhandar. Ke një vend këtu, respekto të tjerët. Si deputet për fyerje përgjigjes si gjithë të tjerët. Të lutem.
Xhaferraj: Nuk bëjmë llogari votash se i vidhni ju. Ku e gjeti cilësinë e ekspertit drejtori i Kadastrës?
Naso: Unë e di që ka bërë libra e të tjera, ti jap atë që i takon, të paktën në këtë fushë meriton respekt.
