Kreu i Partisë së Lirisë, Ilir Meta ka reaguar ndaj deklaratave të kryeministrit Rama dhe thotë se ato janë “fajësim i BE për shpopullimin e qëllimshëm që ai me sektin e “Rilindjes” i kanë bërë vendit tonë”.
Meta thekson në një postim në rrjetet sociale se të ardhurat që duhet të shkojnë për të rritur pagat e qytetarëve “vidhen nga Edvin Rama përmes aferave si inceneratorët, koncesionet, PPP, tenderat sekretë dhe çmimet më të larta në Europë të karburanteve”.
“Koha për ta ndëshkuar këtë sekt të papërgjegjshëm, shpopullues dhe antikombëtar!”, shkruan Meta.
POSTIMI I PLOTE
I pafytyri i “Rilindjes” kërkon të fajësojë Bashkimin Europian dhe vendet e zhvilluara për shpopullimin e qëllimshëm që ai me sektin e “Rilindjes” i kanë bërë vendit tonë duke goditur shtresën e mesme, intelektualët dhe profesionistët në radhë të parë, me demotivimin financiar dhe moral.
Ndaj Shqipëria është e fundit në rajon për nivelin e pagës të arsimtarëve, pedagogëve, mjekëve, infermierëve dhe intelektualëve.
Sepse të ardhurat që duhet të shkojnë për të rritur pagat e tyre dhe përmirësuar kushtet e punës vidhen nga Edvin Rama përmes aferave si inceneratorët, koncesionet, PPP, tenderat sekretë dhe çmimet më të larta në Europë të karburanteve.
Koha për ta ndëshkuar këtë sekt të papërgjegjshëm, shpopullues dhe antikombëtar! ✌️🇦🇱
