Një 17-vjeçar në Krujë ka përfunduar në prangat e policisë, pasi u kap me automatik pa leje si dhe municione luftarake.
Në kuadër të operacionit “Informimi” u arrestua adoleshenti me inicialet S. C., banues në fshatin Borizanë, Krujë.
NJOFTIMI I POLICISE
Finalizohet operacioni policor i koduar “Informimi”, për goditjen e një rasti të mbajtjes pa leje të armëve të zjarrit. Operacioni, falë inteligjencës informative, u finalizua me vënien në pranga të një 17-vjeçari, si dhe me sekuestrimin e një arme zjarri kallashnikov dhe një sasie municioni luftarak.
Shërbimet e Komisariatit të Policisë Krujë, me mbështetjen e inteligjencës informative, për një rast të mbajtjes pa leje të armëve të zjarrit, kanë organizuar dhe finalizuar operacionin policor të koduar “Informimi”, si rezultat i të cilit u arrestua në flagrancë shtetasi:
S. C., 17 vjeç, banues në fshatin Borizanë, Krujë.
Shërbimet e Policisë gjetën një armë zjarri kallashnikov, krehër arme dhe 30 fishekë luftarak, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
