Një furgon që transportonte nxënës u aksidentua sot në Bulqizë. Ngjarja ndodhi në aksin rrugor rural që lidh qytetin e Bulqizës me zonën e antenave. Drejtuesi i mjetit ka humbur kontrollin dhe për pasojë ka dalë nga rruga. Të plagosur kanë mbetur 5 nxënës si dhe drejtuesi i mjetit.
Njoftimi i policisë:
Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.
Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).
Në vendngjarje ndodhet grupi hetimor, i cili po punon për zbardhjen e rrethanave të këtij aksidenti.
