Shpërthimi i fuqishëm i ndodhur në ambjentet e një magazine në Lushnjë, ku mbetën të vrarë babë e bir, ka sjellë nisjen e hetimeve nga ana e prokurorisë së Fierit.
Hetimet janë duke u kryer në tre drejtime të ndryshme, si “Shkelja e rregullave të mbrojtjes në punë”, “Shkeljes së kondicioneve Urbanistike” pasi subjekti kishte dalë nga konturet e lejës së ndërtimit të miratuar nga Bashkia Lushnjë dhe “Shkatërim i pronës nga pakujdesia”.
Prokurorët kanë urdhëruar kryerjen e disa ekspertizave për të përcaktuar shkaqet e shpërthimit, ndërsa nga ana e policisë këtë të diele janë referuar materialet organit të akuzës.
Në pyetje pritet të meren dhe personat e plagosur, përfshirë dhe deputeti i Partisë Socialiste në Lushnjë, Bujar Çela.
Dy të vdekur e 7 të plagosur, është bilanci i shpërthimit të fuqishëm (1 mars) në magazinën në ndërtim që thuhet se është e deputetit Bujar Çela brenda zonës industriale në Lushnjë.
Babë e bir, Roland, 51-vjeç, dhe Elidon Hoxha 23 vjeç, që punonin me vinçin e tyre humbën jetën pas shpërthimit të një bombole oksigjeni që po transportonin.
