Skiatorja e Italisë, Sofia Goggia, triumfoi në supersllallomin e madh në Kupën e Botës, e cila u mbajt në Qendrën e Skive në St. Moritz të Zvicrës. Goggia zuri vendin e parë me kohë të kaluar për 1:12.96 minuta apo për një të qindtën e sekondës ka qenë më e shpejt se bashkëkombësja Federica Brignone.
Padyshim se ka qenë një garë e çmendur kur shihet diferenca kaq e ngushtë në të qindtën e sekondave mes vendit të parë dhe tët ë tretë. Kampionia në fuqi amerikania Mikaela Shiffrin, e zuri vendin e tretë me kohën më të dobët për 13 qindtat e sekondës se pozita e parë.
Austriakja Nicole Schmidhofer renditet e katërta me 30 qindtat e sekondës më të dobët se Goggia, ndërsa zvicerania Lara Gut-Behrami, bashkëshortja e futbollistit Valon Behrami, radhitet në pozitën e pestë me kohë më të ngadaslhsme për 72 qindtat se fituesja e garës.
Në renditjen e supersllallomit të madh, Rebensburg prinë me 126 pikë, e ndjekur nga Brignone 116, Goggia e Sutter me nga 100 pikë, ndërsa në renditjen e përgjithshme të Kupës së Botës Shiffrin udhëheq me 532 pikë, pasojnë Rebensburg 261, Brignone 241 pikë etj.
Rezultatet
1. Sofia Goggia (Italia) 1:12.96
2. Federica Brignone (Italia) +0.01
3. Mikaela Shiffrin (SHBA) +0.13
4. Nicole Schmidhofer (Austria) +0.30
5. Lara Gut-Behrami (Zvicra) +0.72
6. Nina Ortlieb (Austrua) +0.87
6. Corrine Suter (Zvicra) +0.87
6. Kajsa Vickhoff Lie (Norvegjia) +0.87
9. Tessa Worley (Franca) +0.93
10. Viktoria Rebensburg (Gjermania) +0.96