Skiatori zviceran, Beat Feuz, është fitues i garës në disiplinën e lëshimit të Kupës së Botës, që u mbajt në Kitzbuhel të Austrisë.
Beuz zuri vendin e parë me kohë të kaluar për 1:56,68 minutë, duke lënë pas për 21 qindtat bashkëkombësin e tij Marco Odermatt.
Austriaku Daniel Hemetsberger arriti në podium por me 4 qindtat ka qenë më i shpejtë se bashkëkombësi i tij Matthias Mayer.
Norvegjezi Aleksander A. Kilde zhgënjeu duke u renditur në vend të gjashtë me 1 sekondë e 23 qindtat larg nga vendi i parë.
Në renditjen e përgjithshme të Kupës së Botës, Odermatt udhëheq me 1200 pikë, pasojnë Kilde me 825, Mayer 692 pikë etj.
Renditja
1. Beat Feuz (Zvicra) 1:56,68
2. Marco Odermatt (Zvicra) +0,21
3. Daniel Hemetsberger (Austria) +0,90
4. Matthias Mayer (Austria) +0,94
5. Johan Clarey (Franca) +1,17
6. Aleksander A. Kilde (Norvegjia) +1,23
7. Dominik Paris (Italia) +1,27
8. Niels Hintermann (Zvicra) +1,42
9. Christof Innerhofer (Italia) +1,43
10. Daniel Danklmaier (Austria) +1,49