Janë hapur zyrtarisht Lojërat Olimpike Dimërore në Pekin dhe si zakonisht, garat e skive alpike, kërcimet me ski, hokej mbi akull, patinazhi artistik, tërheqin vëmendjen më të madhe.
Në garën e femrave në të gjitha disiplinat, një emër që më së shumti figuron si kandidate për medalje është skiatorja amerikane Mikaela Shiffrin. Ajo është skiatorja më dominuese e ditëve të sotme dhe ndër më të mirat në histori, e cila do të tentojë të fitojë pesë medalje në Pekin. Interesant është edhe fakti tjetër, skiatori norvegjez Aleksandar Kilde i cili lufton për më shumë medalje, si në disiplinën e lëshimit, dhe supersllallomit të madh.
Shifrin fitoi medaljen e artë në Lojërat Olimpike 2014 në Sochi dhe fitoi të artën e të argjendtën në Lojërat Olimpike 2018 në Korenë e Jugut.
Ajo mund të kapërcejë Andrew Mead Lawrence, i cili ende mban rekordin amerikan që vendosi në vitin 1952 për fitimin e dy medaljeve të arta në sportet alpine në një Olimpiadë.
Megjithatë, Shiffrin nuk mendon shumë për historinë.
“Objektivi im më i madh këtë sezon është të lë mënjanë kotësinë që vjen me pritjen se duhet të fitoj vetëm sepse e kam bërë në të kaluarën. Pavarësisht se çfarë keni bërë në të kaluarën, ju duhet ta bëni atë tani për të fituar.
Unë jam në formë që të bëj ski shumë të shpejtë”, tha Mikaela Shiffrin.
Shifrin ka qenë prej vitesh skiatorja dominuese e sllallomit dhe ka fituar gjashtë herë Globin e Kristaltë në këtë disiplinë. Deri në vitin 2019, ajo ishte solide në disiplina të tjera, dhe më pas atë vit ajo shpërtheu dhe mori tituj si në sllallomin e madh ashtu edhe në sllallomin e madh .
Lëshimi është me të vërtetë disiplina e saj më e dobët, por këtë sezon ajo arriti të ngjitet në podium në disa gara, ndaj është e qartë se nuk duhet të anashkalohet.
Kjo gjithashtu i jep gjasa të mëdha në kombinim, pasi në sllallom vështirë se dikush mund t'i bëjë ballë asaj dhe se përparimi në lëshim vetëm sa i shton gjasat e saja.
Ajo që do të jetë pengesa më e madhe është fakti se së fundmi ajo e kapërceu Covid-in dhe se nuk ka qenë aq konstante në dy sezonet e fundit, por amerikanja është fokusuar tek Lojërat Olimpike në Pekin.
Nga ana tjetër, Alexander Omot Klide, është shpresa e Norvegjisë në disiplinat e shpejtësisë.
Kilde nuk ka medalje nga Lojërat Olimpike dhe Kampionati Botëror.
Megjithatë, ky sezon është më i miri në karrierën e tij. Kilde vjen si lider në renditjen e lëshimit dhe supersllallomit të madh, vjen me shumë optimizëm në këto Lojëra Olimpike.
Këtë sezon ai ka tri fitore në të dyja disiplinat dhe ka ardhur për të arritur suksesin më të madh të karrierës së tij.
Çifti më i famshëm nga bota e skijimit, Shiffrin e Kilde, aktualisht ndodhet në Qendrën Olimpike Alpine në Yanking, por pjesa më e madhe e komunikimit zhvillohet në mënyrë digjitale.
“Unë e shoh atë, por nuk mund ta prek apo të jem me të”, tha Kilde.
Si Shiffrin ashtu edhe Kilde ndodhen në fshatin olimpik në Yanking, ku do të zhvillohen të gjitha garat e skive alpine, por për shkak të masave të rrepta kundër epidemisë, ata nuk lejohen të rrinë.
