Skiatorja e Shqipërisë, Lara Colturi, ka shkaktuar senzacion në disiplinën e sllallomit të madh të Kupës së Botës, që u mbajt Killington të Shteteve të Bashkuara të Amerikës.
Reprezentuesja e Shqipërisë renditet në vend të 12-të me kohë më të dobët për 2 sekonda e 20 qindtat se fituesja e garës, skiatorja zvicerane Lara Gut-Behrami.
Lara Colturi nuk ka më shumë se 17 vjet, bëhet fjalë për një talente të madhe, e cila është italiane por me nënshtetësi shqiptare.
Gut – Behrami ka përfunduar në vend të parë me kohë të kaluar për 1:53.05 minuta apo për 62 qindtat ishte më e shpejtë se Alice Robinson nga Zelanda e Re.
Renditja
1. Lara Gut-Behrami (Zvicra) 1:53.05
2. Alice Robinson (Zelanda e Re) +0.62
3. Mikaela Shiffrin (SHBA) +0.81
4. Sara Hector (Suedia) +1.06
5. Valérie Grenier (Kanada) +1.44
6. Federica Brignone (Italia) +1.77
7. Julia Scheib (Austria) +1.84
8. Paula Moltzan (SHBA) +1.90
9. Sofia Goggia (Italia) +1.95
10. Petra Vlhová (Sllovakia) +1.98
11. Katharina Liensberger (Austria) +2.01
12. Lara Colturi (Shqipëria) +2.20
