Drejtuesit e Komitetit Olimpik të Kosovës, presidenti Ismet Krasniqi dhe sekretari i përgjithshëm, Besim Aliti, kanë qenë të pranishëm sot në ceremoninë e nënshkrimit të marrëveshjes së bashkëpunimit ndërmjet Komitetit Olimpik të Shqipërisë dhe Komitetit Olimpik të Hungarisë, të nënshkruar sot në Tiranë.
Drejtuesit e KOK-ut, kanë shfrytëzuar mundësinë e diskutimit me drejtuesit e KO të Hungarisë, për çështje të ndryshme të bashkëpunimit.
Ligji i Sportit të Hungarisë vlerësohet si njëri prej më të mirëve, dhe kjo ishte njëra nga temat e diskutimit tre palësh.
Presidenti Krasniqi theksoi që bashkëpunimi ndërmjet KOKSH-it dhe KOH-it i shërben edhe Kosovës, për të zhvilluar sportin në nivele më të larta, duke marrë praktikat më të mira nga miqtë tanë hungarez.
