Afro 200 shahistë nga të gjitha qytetet e Maqedonisë Veriut, duke filluar nga Gjevgjelia, Kumanova, Struga. Strumica, Kavadari, Dibra, Tetova e Shkupi si dhe shahistë nga Shqipëria, Kosova, Serbia, Bullgaria, Greqia e Italia do të jenë të pranishëm në edicionin e tretë – Turneu i hapur ndërkombëtar i Shahut “Vizioni M 2023”.
Ky turne organizohet nga Klubi i Shahut “Anpasan” të Tetovës në bashkëpunim me Shoqatën për Kulturë “Vizioni M”, të dielën në hapësirat e hotelit Scardus në Kodrën e Diellit.
“Jam tepër i impresioniar për interesimin e madh të lojtarëve të shahut që të jenë të pranishëm në kët turnir të hapur tradicional me përmasa ndërkombëtra.
Përfundimisht deri në këto moment pjesëmarrjen e vetë e kanë konfirmuar afro 200 shahista nga vendi dhe rajoni.
Ajo që mund të them se do të jetë një festë e vërtet e lojës së shahut. Turneu do të zhvillohet sipas rregullave strikte të FIDE-s dhe me sistemin zvicerian me 9 xhiro” , deklaroi për Klan Macedonia, kryetari i klubit të shahut “Anpasan”, Nazmidin Imeri.
Organizatori tanimë ka siguruar të gjitha rekuizitet që turneu të zhvillohet në kohën e paraparë. Referë kryesor do të jenë Sashko Lakinski dhe Burhanedin Misini.
Konfimimi i pjesëmarrësëve do të bëhet nga ora 09:00, ndërsa hapja solemne e turneut është caktuar për orën 10:00.
