Kosova është një gurrë e pashtershme e talenteve.
Një emër që po vjen dhe që premton është Amar Maxhuni.
Veçori e këtij talenti është që merret me tre sporte, me atletikë, futboll dhe triathlon.
Ka përkrahjen e madhe të prindit të tij, Gazmendi Maxhuni.
Është futbollist i talentuar i 2 Korrikut të Prishtinës dhe luan në pozitën mbrojtës anësor.
Të dielën që e lamë pas mori pjesë në maratonën “Prishtina 2023” përkatësisht në disiplinën 5 kilometra duke u renditur në pozitën e katërt me kohë 17 minuta e 48 sekonda.
Karakteristikë e 14-vjeçarit është se në atletikë vrapon në 800 metra dhe ka kohën 2 minuta e 9 sekonda,
Po ashtu është edhe triahtlet që po shkëlqen edhe në garat e triathlonit, si në gara vendore dhe ndërkombëtare.
Synimet e Amarit janë që në tre sporte të arrijë rezultate të lakmueshme.
Amari punon me përkushtim në tre sporte, me kushte shumë të mira.
“Amari është i mishëruar në sporte dhe merret me tre sporte, që si prind e mbështeti vazhdimisht me synime që të jetë në nivelin më të lartë dhe nj sportist shembullor e shembull për të tjerët”, tha Gazmendi për gazetën “Bota sot”.
