Berat Jakupi, karateisti i mirënjohur nga Gostivari dhe jo vetëm, nga data 12-14 tetor do të marrë pjesë në turneun e madh të karatesë “1 Premier League -Tokyo 2018”.
Ky është turneu i fundit i Premier League për këtë vit, në të cilin do të zgjidhen fituesit në kategoritë përkatëse. Turneu gjithashtu është i rëndësishëm për Jakupin, për shkak se mbahet në prag të Kampionatit Botëror, i cili do të zhvillohet në Madrid me 5 nëntor 2018.
“Kjo garë më jep mundësinë që të testoj formën time para Kampionatit Botëror. Shumica e kundërshtarëve në Tokio do të jenë pjesëmarrës në Botëror, i cili do të mbahet në Madrid, në javën e parë të muajit nëntor. Më pret një sfidë e madhe në Tokio dhe shpresoj që nuk do t'i zhgënjej dashamirët e mi dhe veten”, tha Jakupi.
