Opsioni i ri i Instagram-it, mund t’ju bëjë të mbyllni TikTok-un! - Bota Sot
Opsioni i ri i Instagram-it, mund t’ju bëjë të mbyllni TikTok-un!

Teknologji

Opsioni i ri i Instagram-it, mund t’ju bëjë të mbyllni TikTok-un!

Më: 11 korrik 2020 Në ora: 06:46
Ilustrim

Ndërkohë që qeveria amerikane po planifikon që me shumë gjasa të ndalojë përdorimin e Tik Tok, Instagram-i po teston një platformë të re, të ngjashme me të.

Aplikacioni i ri quhet Instagram Reels sapo është lançuar në Indi dhe së fundmi është i aksesueshëm në Francë, Gjermani dhe Brazil.

Çfarë është Instagram Reels?

Njësoj si Tik Tok edhe Instagram Reels i lejon përdoruesit të krijojnë video 15 sekondëshe duke përdorur këngë të famshme. Në planet e Instagram-it është që Reels të jetë vendi i ardhshëm ku përdoruesit të marrin pjesë në sfida argëtuese dhe trende të reja.

Përfaqësues të platformës së famshme, thonë se 45% e videove në Instagram janë 15 sekonda ose më pak, prandaj Reels është një mundësi e mirë që njerëzit të publikojnë gjëra që s’duan t’i postojnë nëpër Story ose Feed. Opsionet e tij përfshijnë, filmim, filtra dhe muzikë. Ndonëse ky opsion ende nuk e ka shtrirë aksesin e tij në SHBA, mund të jetë një zëvendësim i mirë tani që po diskutohet ndalimi i TikTok.

Madje, përdoruesit nuk kanë as pse të shqetësohen për të drejtat e autorit në lidhje me muzikën që do të zgjedhin në Reels, pasi Instagram-i po bashkëpunon me emra të mëdhenj shtëpiash diskografike për t’ju bërë lehtësisht të aksesueshëm përdoruesëve.

Si ta përdorim?

Ky aplikacion mund të përdoret njësoj si Boomerang apo Instagram Live- opsioni do t’ju shfaqet sapo hapni ekranin e Instagram-it tuaj. Mjafton vetëm të mbani shtypur për pak derisa videoja 15 sekondëshe të jetë kryer. Më tej mund ta editoni me gjithë mundësitë që do t’ju shfaqen aty.

Image
Insta
Shfaq komentet
comments powered by Disqus
Sot mund të lexoni Shfletoni kopertinat