Ndërmarrja gjigante ‘Facebook’ do realizojë atë çfarë premtoi më herët në përditësimin e radhës – bashkimin e bisedave në rrjetet sociale të cilat i posedon.
Përdoruesit e Instagram dhe Facebook Messenger tani mund të dërgojnë mesazhe me njëri-tjetrin, pas një përditësimi në rrjetet sociale respektive.
Ndryshimi bënë bashkë bisedat e dy aplikacioneve, që do të thotë se bisedat mund të zhvillohen në të dy platformat.
Përdoruesit do të jenë në gjendje të kontrollojnë se ku marrin mesazhe dhe thirrje – në bisedat e tyre, përmes kërkesave për mesazhe, ose të çaktivizojnë plotësisht funksionin.
Përdoruesit e Instagram gjithashtu do të jenë në gjendje të bëjnë thirrje video me përdoruesit e Messenger dhe anasjelltas.
Ndryshimi do të thotë se mesazhet në Instagram do të marrin veçori të shumta tashmë të disponueshme për përdoruesit e Messenger.
