Instagram është duke e lëshuar një veçori të re sot, e cila i lejon përdoruesit që t’i kthejnë postimet e fshira më parë si fotot, videot, storjet dhe më shumë.
Veçoria e re e Instagramit është e njohur për përdoruesit e Apple sepse është e ngjashme me albumin e aplikacionit Photos në iOS, ku mbahen fotot e fshira edhe për 30 ditë të tjera, përpara se të fshihen përgjithmonë nga celulari.
Kjo veçori do të jetë shumë e dobishme, pasi që shumë përdorues janë ankuar se kanë fshirë aksidentalisht një foto, video apo storje dhe nuk kanë mundur ta kthejnë përsëri. Lajmin për veçorinë e re e bëri të ditur The Verge sot.
Si t’i ktheni pra postimet e fshira në Instagram?
Në Instagram, prekeni kutinë e profilit në pjesën e poshtme të qoshit të djathtë
Prekeni ikonën me tri vija në pjesën e lartë, qoshi i djathtë
Zgjedhni Settings
Prekeni Recently Deleted (nëse nuk ju shfaqet, do t’ju shfaqet së shpejti)
Zgjedhni një postim/video/storje dhe prekni Restore
