Pavarësisht se shqiptarët urojnë njëri tjetrin për një vit të begatë e të mbarë, në fakt Viti i Ri i gjen ata në kafe.
Pothuajse të gjithë bizneset janë të mbyllura, përveç bar restoranteve. Por ndryshe nga të rinjtë apo familjarët që kanë mbushur plot kafenetë në ditët e para të 2020-së, pensionistët shijojnë nga larg atmosferën që ngjan ende festive.
“ Shumë mirë na gjeti Viti i Ri, 30 mijë lekët e disa kursime që kishim, shumë mirë. Edhe koha me diell e buzëqeshjet e njerëzve, shumë mirë është”, shprehet qytetarët.
Nesër nuk do të jetë e njëjta panoramë në kryeqytet. Të vetëpunësuarit apo privatët do t’i kthehen punës.
Ndërsa punonjësit e institucioneve shtetërore i rikthehen normalitetit në datë 6. Qeveria vendosi qe e premtja te jete ditë pushimi, për t’u zëvendësuar më pas, gjatë muajit janar.
Por ka të tjerë që nuk kanë mundur të pushojnë përgjatë festave, por kanë qenë në krye të detyrës si stafi në ‘Fshatin e Festave’ në Sheshin Skënderbej, që do të pushojë kur të tjerët do të rinisin punën.
