Qeveria shqiptare ka lehtësuar procedurat e marrjen së tokës në përdorim për investime në agroturizëm.
Ndryshime në projektligjin ‘Për krijimin dhe funksionimin e strukturave të administrimit të mbrojtjes së tokës” shkurtojnë burokracitë me të cilën janë hasur të interesuarit për investime në këtë sektor.
Zv/ministri i Bujqësisë dhe Zhvillimit Rural, Dhimo Kote u shpreh për ATSH-në se, kjo është një tjetër nisëm që ju vjen në ndihmë sipërmarrësve në agroturizëm. Risitë konsistojnë në lehtësimin e procedurave dhe shkurtimin e afateve kohore për kalimin e sipërfaqes së tokave bujqësore në tokë truall për ndërtimin e objekteve për prodhimin, ruajtjen dhe përpunimin e produkteve bujqësore dhe blegtorale, për struktura/objekte në funksion të agroturizmit, si dhe veprimtari të tjera ekonomike.
Lehtësimi procedurave dhe shkurtimi afateve, parashikon; miratimin e ndryshimit për sipërfaqet e tokave bujqësore deri në 5 ha që kalojnë në kategorinë tokë urbane (truall), të bëhet me urdhër të ministrit përgjegjës për bujqësinë.
Kote tha se, lehtësimi i politikave fiskale dhe adresimi i fondeve nga Programi IPARD në mbështetje të këtij sektori, ka rritur interesin e dukshëm të sipërmarrësve për investime të reja në agroturizëm.
