Petulla me vezë që bëhen për 10 minuta. Jo si ato që jemi mësuar të hamë zakonisht, por krejt ndryshe. Kanë pak karbohidrate dhe rekomandohen si zëvendësuese për bukën e zakonshme, pasi kanë pak kalori. Nuk do të duhet miell për përgatitjen e tyre. Për t’i bërë duhet të përdorim vezë dhe djathë krem. Është idealja për ta përdorur për të bërë sandviçë. Ndërsa normalisht bëhen me djathë krem, në këtë recetë ne përdorim djathë mascarpone, i cili i jep petullës një shije dhe strukturë më të mirë.
Përbërësit:
-3 vezë të mëdha. Ne duhet t’i ndajmë të bardhat e vezëve nga të verdhat,
3 lugë gjelle mascarpone ose krem djathi,
1/2 lugë çaji pluhur për pjekje i ëmbël,
pak kripe për aromë dhe ekuilibër.
Përgatitja:
Rrahim të bardhat e vezëve së bashku me pluhurin e pjekjes, ose me dorë ose me një mikser dore. Rrahim të verdhat me mascarpone dhe djathë. Mascarpone duhet të jetë i butë, në temperaturë dhome. Gradualisht përziejmë masën e vezës së bardhë me atë të mascarpone-s deri sa të jetë bërë homogjene. Nuk duhet t’i përziejmë shumë sepse ajri do të humbasë dhe simitet nuk do të dalin të buta.
Në një tepsi përhapim me një pecetë vajin. Me anë të një lugë, bëjmë petullat në formë normale, me trashësi 1-1,5 cm. Sasia varet nga madhësia që dëshirojmë të kenë simite. Zakonisht, dalin 6 copë. I pjekim në furrën e parangrohur në 150 °C, për 20-25 minuta derisa të marrin ngjyrë të artë. I lëmë të ftohen para se t’i heqim nga tepsia. Tani janë gati për t’u ngrënë!
