Selektori i kombëtares së Kosovës në xhudo, Driton Kuka, kujton vitin e madh, vitin 2016, kur krenaria e kombit shqiptar, xhudistja Majlinda Kelmendi (-52 kg), fitoi medaljen e artë olimpike në Rio të Brazilit. Majlindën e lidhin dy ngjarje të veçanta në Rio, e para, në vitin 2014 u bë kampion e botës dhe e dyta, në vitin 2016 u bë kampione olimpike.
“Sot katër vjet 07 gusht 2016... Kosova e pushtuar me shekuj qysh në Olimpiadën e parë fiton medaljen e artë Olimpike!
Majlinda Kelmendi bëri një popull krenar! Ndjenja të papërshkrueshme ...
Dhashtë Zoti shëndet! Ne po punojmë pa ndal që medalje tjera Olimpike ti sjellim vendit tonë! Kosova mbi të gjitha...”, shkruan Kuka.
