Përzgjedhësi i kombëtares së Kosovës në xhudo, Driton Kuka, tha se me shpresë dikush po fillon të merret me klubet!
“Me shpresë që dikush po fillon të merret me klubet! Më se 10 vite duke trumbetuar këtë problem! Problemi më i madh i sportit qysh pas çlirimit është përkrahja e vogël simbolike e klubeve nga Komunat!
Më në fund Komiteti Olimpik i Kosovës ngriti këtë çështje në nivel alarmues para disa ditësh ndërsa sot edhe Ministri Kujtim Gashi i dha përkrahje fuqishëm kësaj iniciative! Komunat me kryetar të rinj financoni klubet e jepuni rastin fëmijëve tanë të merren me sport që promovon edukim e shëndet!”, ka thënë Kuka.